Tunglhylling

Tunglhylling til heiðurs nýju og fullu tungli. Þú býrð til þitt eigið heilaga rými heima með kertaljósi, kristöllum, reykelsi, kakói, hverju sem þú vilt og við tengjumst svo saman í stafrænu rými. Öndunaræfingar, ásetningur, tónheilun og djúp slökun, allt í tengingu við tunglið. Athöfnin kostar 2.222. krónur.

Þú nýtur þess að iðka heima hjá þér eða á dvalarstað þínum en þetta er 90 mínútna athöfn í lifandi streymi á netinu. Þú finnur streymishlekkinn í greiðslukvittun og getur svo endurspilað athöfnina eins oft og þú vilt í þrjá daga eftir að henni lýkur. Til að njóta heilandi tónanna er best að nota heyrnatól eða tengja síma/tölvu við hátalara. Best er að vera á stað þar sem þú verður ekki fyrir truflun og búa vel um þig með teppi og púða. Líkamshitinn lækkar töluvert í djúpri slökun og tónheilun og því gott að vera hlýtt. 100% hreinn kakóbolli á undan setur svo punktinn yfir i-ið en hverskyns djúpslökun og hreint kakó draga úr kortisólmyndun í líkamanum en það er streituhormón líkamans. Ef þú hefur áhuga á að kaupa kakó getur þú gert það hér.